Санаи 27 январи соли 2024, бо мақсади шарҳу тавзеҳи Паёми навбатии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии Ҷумҳурии Тоҷикистон”, ки санаи 28 декабри соли 2023 баргузор гардида буд ва дар асоси нақша-чорабиниҳои Маҷдиси намояндагони Маҷлиси олии кишвар, Мақомоти иҷроияи ҳокимияти давлатии вилояти Хатлон ва ноҳия, таҳти раёсати раиси ноҳия вохурии вакилони Маҷлиси намояндагони Маҷлисии Олии кишвар Ватанзода Маҳмадалӣ Маҳмадулло, муовини якуми раиси Маҷлиси намояндагони Маҷлисии Олии Ҷумҳурии Тоҷикистон, Шодиён Муҳаммад Султон вакили Маҷлиси намояндагони Маҷлисии Олии Ҷумҳурии Тоҷикистон аз ҳавзаи интихоботии “Кӯшониён №27” ва Маҷидзода Сарвиноз Комил вакили Маҷлиси намояндагони Маҷлисии Олии Ҷумҳурии Тоҷикистон бо фаъолони ноҳия баргузор гардид. Сараввал раиси ноҳия ташрифи меҳмонони гиромиро ба ноҳия хайрамақдам гуфта, мақсад аз ҷамъомадро баён намуданд. Сипас, сухан ба Ватанзода Маҳмадалӣ Маҳмадулло, муовини якуми раиси Маҷлиси намояндагони Маҷлисии Олии Ҷумҳурии Тоҷикистон ва ба вакилон Шодиён Муҳаммад Султон, Маҷидзода Сарвиноз Комил дода шуд. Меҳмонон, вобаста нуқтаҳои асосии Паёми Президенти мамлакат ибрози ақида намуда, ҳар як нуқтаи онро шаҳр доданд. Қайд гардид, ки Паёми навбатӣ оид ба ҳадафҳои стратегии миллӣ, яъне таъмини истиқлолияти энергетикӣ, комуникатсия, ҳифзи амнияти озуқаворӣ ва саноатикунонии басуръати кишвар баррасӣ гардида, вазифаҳои мушаххас пешниҳод карда шуданд. Ёдовар гашт, ки вохуриҳои вакилон бо аҳли ҷамоатчигии ноҳия дар ҳамаи ҷамоатҳои шаҳраку деҳот доир мегарданд.
Дафтари матбуотии раиси ноҳияи Кӯшониён
