Ба хотири пешгири намудани оилаҳои ҷавон, ки имрӯзҳо ҷомеаи кишварамонро ба ташвиш овардааст, дар маркази ноҳияи Кӯшониён, шаҳраки И.Сомонӣ намояндагони ОБСЭ бо Шӯрои ҳамоҳангсозии ҷамъиятӣ дар назди Шуъбаи вазорати корҳои дохилӣ дар ноҳия семинарӣ омӯзиши баргузор гардид.
Дар семинари мазкур гуфта шуд, ки ба хотири пешгирӣ намудани ҷудошавии оилаҳои ҷавон ва бекор кардани ақди никоҳ бо иқдоми неки Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, соли 2015-ро “Соли оила” эълон кард, дар ин сол ҷудошавӣ оилаҳо ҷавон бо суръат ба пастӣ рафт. Ҳар яки моро зарур аст, ки барои пешгирӣ намудани ин амалҳои ҷавонон саҳами худро гузорем. Чун, ки ҳангоми оилаҳо аз ҳам ҷудо мешаванд кӯдакон дар байни роҳ мемонанд ва аз таълиму тарбия падару модар дур мешаванд. Имрӯзҳо падару модароне ҳастанд, ки фарзандҳояшон барои оила барпо кардан тайёр нестанд онҳоро ба барпо намудани оила маҷбур месозанд, чунки мардум нагӯянд, духтари фалони сину солаш ба ҷое расидаасту то ҳол ба шавҳар набаромадааст. Ҳар яки моро зарур аст, ки фарзандҳои хешро соҳибилм намоем, чунки онҳо оиладор мешаванд ва пас аз чанд муддат фарзандор шуда, барои ӯ зарур аст, ки фарзанди худро таълиму тарбия диҳанд.
Аҳлиддини Муборакшоҳ
